港车北上 (出珠海市->东莞篇)

本帖最后由 ckkong97 于 2025-2-3 10:31 编辑

整番个post 先... 由隔离深圳/大湾区食买玩搬过黎
第一次离开珠海, 之前9次都只限珠海市内, 无出过去

见大陆新年假免路费, 就去远啲
初三早上六点九出发港车北上，0721香港关都只系等一两架车,迟半个钟已经塞车，八点前过珠海关畅通，0830去到珠海印象城山姆乜都未开，连山姆都未，饮个茶快速行咗个山姆十点出发到东莞，深中长期塞车，我行虎门到东莞国贸，港车系认唔到车牌但照开闸, 出闸都系要人工搅
我终于试咗，东莞滙一城认唔到车牌，得我一个，落车扫code有个临时牌系盒马拎咗免泊两个钟，出车都系要人工搅俾钱
上一次去滙一城开大陆牌既车易出入好多，我发觉系珠海先全认香港澳门牌，其他城市都系要扫code入，试过未扫已经开闸，出去都系有问题

仲有个心得, 就系大陆啲商场停车场太大, 落车记得影车位number, 影边区, 搭lift上落记住影铺相... 系东莞试过搵唔番个车位, 行咗十分钟先搵到架车, 就算有车位number 都搵唔到... 已经去到附近又要行去另一边....

东莞劲多人放成晚都有烟花声，一早返架车成车烟花灰，我泊大街露天錶位系酒店门口，都由白色车变粉红色车

初四下午四点几东莞回程, 到珠海六点几食个饭, 东莞少港牌车, 到珠海劲多香港单牌车, 去华发商都之前有个油站, 全部都系港车入油...
停车场泊车, 可以连续十几架车都系港牌, 唔讲以为系香港...
一入商场, 多人到不得了, 食个饭前后左右都系香港人
最好笑系, 隔离檯同我地叫既野食完全一样.... 我地食乜佢叫乜, 我地到先食紧佢先坐入黎....
去油站入油, 又系全部港车.... 之后九点几去关口, 车开始要排入去落客, 我叫同行人落车先, 佢地一定慢过我跟车过关
其实车过都系排15 分钟, 但过咗之后就等人上车先耐, 起马都20-25分钟, 佢地上面平时直行直过, 昨晚排晒长龙, 五部自助机又坏坏地, 人工得一个....
车除咗平时小型车果啲位, 连大巴位同货车位都开埋俾私家车过
全程港珠澳都多车, 从未见过咁多车, 高位可以见到几百米都有尾灯, 平时行港珠澳只会后面有车, 前面唔会一路见到车 (因为行得慢....  ), 去到香港关口, 关口全部开晒, 要等十架车以上.... 返到香港都十一点几....
睇FB group, 塞到一点半都仲塞紧....

今次免桥费, 港珠澳来回悭咗三百, 珠海到东莞来回都差唔多悭咗二百, 前后加埋五百....
架车从未试过一缸油行五百几km (其实只系3/4 缸, 入油时未着灯), 全高速7.xL/100km, 香港平时系13-16L/100km ...我部系旧大房车2500cc ...  再计埋入大陆油, 平时返大陆都系0.9/km, 今次系0.7/km, 以前香港油就3.7/km