华为Mesh router 开箱报告

hkwtongme

因为我屋企尾房离放喺厅嘅router有啲远，所以一直都收得麻麻，一直都想搞搞佢，但又唔想拉线，所以一路都未搞，到有mesh Wi-Fi出就好想试，Orbi听讲唔错，但有啲贵，加上无朋友用紧，想试都唔得，跟手见到Google Wi-Fi出就想买，但香港又一直都未有得卖，之后想买据讲系Google Wi-Fi嘅生产厂TP-Link嘅Mesh router，但重未买就见到华为又出Mesh router，一套先899人仔，比TP-Link都系半价，就落订（华为预售要落一百订，然后有货再俾尾数发货）订咗，三日前收到通知有货，跟手俾咗尾数，第二日已经收到，但到琴日先得闲返公司攞，即晚试用有惊喜。
华为mesh router 三只已收货，呢只嘢啲收发简直变态，竟然一只就覆盖哂我成屋（三房成一直线，router放厅，隔咗幅主力墙），现用time machine ＋ 华记AC68, 系尾房系可以收到嘅，但time machine嘅5G 就无download ，upload都唔稳定，测试显示系一秒无，跟住有两三秒，有个时就20M左右，2.4G就download 间断式收到，upload就稳定，大约2-4M左右，AC68就2.4G可以upload download 大约3-10几20M左右，5G就零至40M左右，所以一般我喺尾房会用华记嘅2.4G，但次次返房都要改有啲麻烦，而且稳定性普通，所以后来用咗个homeplug Wi-Fi，但可能线路问题，大约得5-10M左右，不过算稳定有呢个数。
我收到后就接咗一个（用app嚟setup，机上有个QR code，scan去装），无接lan，直接经AC68 5G当repeater用，选全部copy AC68, 离AC68三米左右，离主人房（尾房）就更远咗，当离开呢旧嘢一米半左右测得download 120M，upload 300M（相信系因为repeater mode 得原速一半以下嘅原因，因为我用咗两个 public IP，每个ip实际只有380 down, 680 up左右） ，跟手入尾房试，竟然有稳定嘅50-60Mdownload，120-150M嘅upload，吓咗一跳，再试都系一样，我再用华为Mate 9 手机去试，发现会显示一个Hi嘅标记，即系接紧个华为router，再试都系呢个成绩，跟手发现上网比之前爽咗好多（指喺尾房），同喺厅无分别，个homeplug可以收工，得闲啲会试直插modem，睇嚟拖多一个已经有可能全速cover哂全屋。
利申，我同华为完全无任何利益关系，呢套嘢出咗都系两三日，大家不妨睇多啲不同人嘅review先再落结论，但我就真系事前无唸过华为router啲收发会咁劲，重要系无外置天线，我又求祈放系地下都可以收发好过AC68。
我无用过其他牌子嘅mesh router，唔知系咪所有呢类mesh router都收发好，有机会都想试试其他牌子。
相就夜啲陆续发，hkepc有相size限制，要crop同resize之后先可以发，要啲时间。

我称咗每只系275克，三只个model都一样，都叫HiRouter CD20，所以相信三只完全一样嘅，重有一样好得意嘅地方，佢有三信Lan口，但无分Lan同Wan，据讲系自动分别，所以可以盲插。

6号凌晨3点补充，我发觉熄咗个华为Mesh，依家AC68嘅5G喺尾房都行到110M download，50M upload，可能同我试机个时随手将个AC68转咗45度移咗位又无放返好有关，要再试清楚先敢下结论，要出差三四日，週末先得闲再试，要买嘅ching自己考虑，或者等埋我再试清楚再算。


三只router都一样样，但lan线只系得一条。


包装外盒


router 底


火牛


前面，有一个Hi制同指示灯。


后面就系三个Lan口，插头孔，reset制。

pleo

谢谢师兄报告, 想问:
即你现时只是用1只华为mesh router  用5G wifi 接 AC68.  在房内就用返 5G wifi 连接, 仲劲过用 homeplug repeater 及稳定很多.
如果系咁, 好过用Extender, 现遇到房内有时 5跳 2.4, 到另一房又 2.4 跳到5,  但上唔到网,  常俾人投诉 wifi 唔掂.
有线的电脑照用 AC68.
未用过mesh router, 唔知系咪咁?? Thanks.

blkbd5

等详细测试，如果系掂，都要整返套，咁就一天光晒

marco173

楼主如果我唔想转router 呢(用返原本用紧个只)？
又用唔用到呢set 野？
Thx

via HKEPC IR Pro v2.1.0 - Android

hkwtongme

谢谢师兄报告, 想问:
即你现时只是用1只华为mesh router  用5G wifi 接 AC68.  在房内就用返 5G wifi 连接, ...
pleo 发表于 2017-11-5 17:00

    我都有啲觉得意外，竟然可以有咁嘅效果，目前全屋最低都有30M，而且竟然可以就咁用翻AC68就已经可以漫游（唔敢绝对肯定系真漫游，但全屋一个5G行哂，以前绝对唔可能），重可以有咁稳定嘅收发，唔清楚系华为劲定抑或系Mesh都有呢个效果，夜啲会试试将个华为放系厅同尾房中间，再试埋其他位，睇吓效果会点，如果够时间就会试用两只或者三只睇吓速度会点。
今晚出唔到报告就听日出。

hkwtongme

等详细测试，如果系掂，都要整返套，咁就一天光晒
blkbd5 发表于 2017-11-5 17:10

    我都要再试真啲，依家都重系有啲唔敢信，我喺屋企用过唔少Wi-Fi router（RT-N56, RT-N66, AC68, R7000, AC88, 小米，TP-Link，Buffalo，1043, Tenda，商用AP，重有好多都唔记得），无任何一只有咁劲。
刚刚又用speedtest 手机版再试咗多一次喺尾房嘅速度，今次重夸张，iPhone 7+ 系174M download，132M upload，6ms; 而Mate 9就系123M download，57M upload，3ms；我试咗几次，选嘅已经系较差嘅时间。
依家出去食饭，夜啲再试真啲。

yanchoki

你就好，咁快有货。你间屋有几大?我间屋三层，唔知搞唔搞得掂。如你所讲咁劲，真系掉打3，4千银orbi

via HKEPC Reader for Android

hkwtongme

你就好，咁快有货。你间屋有几大?我间屋三层，唔知搞唔搞得掂

via HKEPC Reader for Android ...
yanchoki 发表于 2017-11-5 19:16

    我间屋无几大，一层过三个房，我试机个位离开个router大约7米，中间隔咗一幅主力墙，再加两幅普通墙。
按照依家我嘅使用经验，三层楼如果一层唔系太大，真系有可能速度会唔错，我以前公司喺地下放一个RT-N56, 喺3楼都收到OK，因为其实只系隔咗两层村屋地板，反正用起嚟会好过我依家个环境，依家隔嘅距离远咗，重有幅系主力墙，又多一幅普通墙。

hkwtongme

楼主如果我唔想转router 呢(用返原本用紧个只)？
又用唔用到呢set 野？
Thx

via HKEPC IR Pro v2.1.0 - A ...
marco173 发表于 2017-11-5 17:54

    我依家暂时就系用返AC68再加一只华为（只系用repeater mode），完全无问题，依家喺屋企全部地方都上网上得好爽。
我夜啲会试用lan线按AC68睇吓会点，有可能会无咗roaming。
我会试下将个AC68放去依家华为个位，睇吓系咪因为距离主力墙远咗会好啲，依家个AC68离主力墙只有40cm，个time machine就更加只有15cm，个华为离主力墙大约米几。

marco173

我依家暂时就系用返AC68再加一只华为（只系用repeater mode），完全无问题，依家喺屋企全部地方都上 ...
hkwtongme 发表于 2017-11-5 19:33

   
正，等你报告，我就系唔想转router thx

via HKEPC IR Pro v2.1.0 - Android