免费电视广播最新发展讨论区

rchmn

最近讨论区似乎有许多跨频道的讨论及分享，大家可以在这集中讨论免费电视广播最新发展。以下为部分讨论议题：

无綫电视最新频道发展：TVB+定位、过渡期间安排、现时85台播放安排等

港台或其他公司转播内地/中央电视台：频谱安排、技术操作、哪些频道、TVB转播等

腾空/未来悬空频谱安排：香港电视娱乐申请多一条频道？播放甚么（332免费化？）港台用作转播中央电视台？开设新频道（如体育频道/英语频道）？

未来电视广播构想：一些现时未发展的电视广播议题，如会否有4K/超高清广播、明年奥运转播、三所免费电视台发展等

一些抛砖引玉问题：
1. 如果TVB/港台转播内地频道，你最想转播甚么频道？
2. 如果ViuTV申请多一条频道，你最想播放甚么内容/转播哪个频道？
3. 对于现时奇妙电视定位有何意见？

Tonynck

我坚持反对J2同财经资讯臺合併做TVB+，因为J2同财经资讯臺根本系做唔同观众，J2系做本地年轻人，财经资讯臺系做新来港人士（指NDS同输入人才）。我想像唔到合併之后嘅TVB+可以点定位，唔通每个钟嘅00-30做本地年轻人，30-00做新来港人士啊？
观众话J2做得差，吸引唔到目标观众，咁大臺系应该改善J2管理模式同制作方针（至于点改善法，相信你哋比我重识得提出建议），令J2可以符合返佢自己嘅定位，但唔系就咁完全放弃啰！

rchmn

回覆 2# Tonynck


    早前睇到分析，指J2意外受到中产人士欢迎，与85台目标观众相同，所以合併。

tonysiu

回覆  Tonynck


    早前睇到分析，指J2意外受到中产人士欢迎，与85台目标观众相同，所以合併。 ...
rchmn 发表于 2023-12-4 17:57

其实不意外，因为J2现在不断的缩减外购剧集，动画，将年轻人劝退。

williamC2023

回覆  Tonynck


    早前睇到分析，指J2意外受到中产人士欢迎，与85台目标观众相同，所以合併。 ...
rchmn 发表于 2023-12-4 17:57

TVB "本地年轻人"嘅definition大家都知
合併咗之后堆清谈节目都好难留低，唔知仲有咩节目可以留呢班观众?

rchmn

回覆 5# williamC2023


    「TVB+还将作为实验性内容和形式的试验平台，超越我们翡翠台节目的传统模式。」可能就系透过「实验性内容」，但我估都系可能同原本清谈或综艺节目不相伯仲。

williamC2023

回覆  williamC2023


    「TVB+还将作为实验性内容和形式的试验平台，超越我们翡翠台节目的传统模式。」 ...
rchmn 发表于 2023-12-4 18:39

嗰日TVB仲话要cut边缘时段节目，摆明指紧呢堆节目啦
啲所谓"实验性内容"未必会啱传统J2/TVB观众

jactkwn

我坚持反对J2同财经资讯臺合併做TVB+，因为J2同财经资讯臺根本系做唔同观众，J2系做本地年轻人，财经资讯臺 ...
Tonynck 发表于 2023-12-4 17:48

可能想执靓盘数等XX(自己意会下）

Tonynck

另外，我唔希望J2同财经资讯臺合併，另外一个原因系因为我反对大臺喺翡翠臺黄金时段播大陆剧。
（以下只系个人观察，未有足够证据支持）根据我睇到嘅网络留言，喺香港，支持大臺自制剧集嘅同支持大陆剧嘅根本唔系同一班人来。翡翠臺喺每晚黄金时段，唔计《爱回家》，就得两线剧集。翡翠臺一线播大陆剧，一线播自制剧，咪会每线剧集都会损失另一半观众啰！所以我建议翡翠臺每晚黄金时段净系播纯自制剧集，大陆剧改为喺财经资讯臺黄金时段播，同时赚晒两边观众嘅收视。同样道理，我建议J2每晚黄金时段20:00-20:30、20:30-21:30同21:30-22:30播放总共三线非大陆外购剧集，20:30-23:30播放一线由「77工作室」完全本地制作嘅青年向剧集。
特别系翡翠臺要喺广东省转播，广东省观众会睇翡翠臺，就系为咗睇大臺嘅自制剧。准确啲来讲，系为咗睇（广东省观众所谓嘅）「香港土味」嘅剧。佢哋真系要睇广东话配音嘅大陆剧嘅话，佢哋都会选择睇珠江臺多过翡翠臺啦！因为珠江臺嘅配音系广州口音，相比起大臺嘅香港口音，对广东省观众更加有亲切感。
至于大臺同大陆合作嘅合拍剧，好明显大臺系想赚大陆同东南亚嘅国语市场为主，风格都系按大陆网络剧来拍，基本上唔会预咗有本地或者广东省（广东话）观众睇，真系有都只会系bonus来。所以合拍剧喺香港喺myTV SUPER上架就够，唔使霸佔免费电视频谱。

死宅男@XC

另外，我唔希望J2同财经资讯臺合併，另外一个原因系因为我反对大臺喺翡翠臺黄金时段播大陆剧。
（以下只系 ...
Tonynck 发表于 2023-12-4 21:45

有钱做呢啲嘢就唔洗减台 发完梦未