对 wifi 无咩要求。。。已收货开箱

本帖最后由 Kin_2012 于 2026-9-23 21:15 编辑

对 wifi 无咩要求，不过今日落单买左只新  wifi router
唔睇唔知原来而家 wifi 6 router 咁平
收到货就开箱
---------------------------
星期日已到左香港，自提点休息，寻日去左拎，初步试左，以呢个价钱计，相当唔错，同级无对手。

NX30 Pro  160 人仔左右，兑番唔做 190 港纸，真平！
MT7981 + MT7976  ，同级 Router 都系咁上下，性能唔会有咩大分别。
256MB RAM / 128MB FLASH ，对比用紧果部 AC Router， RAM 同 FLASH 都细左一半，不过睇番而家果部的用量，完全够仲剩好多。

外型方面，企放系方便，但对想挂墙的我就唔够好，插线位系正机身背面，背面唔可以贴墙挂，用正面挂背面线就现晒出黎，无咁好睇，要谂谂点挂好。仲有一个问题，又系无开关制，唯有直接 cut 电。

要赞的系无迫我装 App 解锁，又唔使拆机焊 UART，真心方便，直刷 openwrt ，成个过程简单顺利。

用手机初步连线， AX 近出到 2401 Mbps，远少少就 2161 Mbps，对比用紧的 AC, 近出到 1733 Mbps，远少少就 1560 Mbps，AC / AX 隔墙隔门会跌，但够用。

实际测试未做，网上大把测试，大家可以去睇。
对我黎讲，手机连 Wifi 为方便，用紧的 AC 都够有突，AX 使用上应该感觉唔到有咩分别。

有样野比较特别系 AX 可以用埋 2.4G, 系有需要时自己跳过去，但我本身 5G 已覆盖晒，所以无咩用，大家有机会可以试吓。

最后提下，有人会话得 1Gbps ports 唔够快，其实呢个真系睇人点用，对我用手机黎讲，完全够晒。
一般要用到 1G 以上的 internet，多数系下载，如果用紧 2.5G 宽频，想用尽呢只野帮唔到你，不过都有取巧方法，可以用两个 port 行 LAGG 配个设定，咁 multi-thread 下载就可以用到 1.8G 左右。

附件: 您需要登录才可以下载或查看附件。没有帐号？註册