标题: 不如大家系度分享下自己套影音组合 [打印本页]

---

作者: bbgirl223    时间: 2024-10-30 19:15     标题: 不如大家系度分享下自己套影音组合

本帖最后由 bbgirl223 于 2025-6-24 21:04 编辑

请各位高手手下留情
始终听咩音乐各有所好，又要讲配搭，又要讲空间讲摆位
我一般听流行曲为主，中文同英文歌都听，亦会开HiFi睇电影睇演唱会，交响乐同爵士乐就肯定唔听
自己平时都会DIY一些音响器材同配件，或者做翻新等等
音源主要听CD，Youtube，Spotify，全部由PC做晒，我谂所谓既CAS
地方所限，器材简单，PC＞DAC(pre-amp)＞Power Amp ＞Speaker

咁当然仲有好多线材，电源滤波等等，希望各位高手交流下

---

作者: jimswong    时间: 2024-10-31 09:57

Roon > Esoteric N-05XD > Accuphase E-370 > PMC twenty5.21i

---

作者: bbgirl223    时间: 2024-10-31 13:56



CHING听咩歌为主？聆听环境有几大？

---

作者: jimswong    时间: 2024-10-31 17:16

我主要听Jazz，旧广东歌。
几十呎厅仔，无乜位喇叭都要好贴墙下...

---

作者: bbgirl223    时间: 2024-10-31 19:27



旧广东歌我一直都听，亦都系我用黎试音用
用 Roon Server加Esoteric N-05XD听串流，你对讯源都很高要求，一般系自己Rip CD定系网上购买，通常系咩格式？
Esoteric既CD机我去朋友屋企听过，分析力高，音场深，亦系我喜爱类型之一。
讯源方面我系用Nas，电脑用Foobar加decoder转DSD ，音质比PCM 192khz会好少少，电脑既CD盘听讲话用Pioneer会好声d，所以特别买部可播4k蓝光碟既就方便而且又悭左位，当然同CHING既无得比

---

作者: jimswong    时间: 2024-11-1 10:12

我之前都系用电脑Foobar听自己Rip的碟和download的，格式通常系Flac，而家用Roon出街听歌都无带Player好耐。
同埋转咗讯源之后真系唔同世界，听返之前啲歌可以当新歌咁听。

---

作者: 1个闲人    时间: 2024-11-1 11:26

本帖最后由 1个闲人 于 2024-11-1 03:48 编辑

年纪大, 经常耳鸣, 没乜心机玩..得返两套,
客听:
电脑, 安卓盒子, 天龙入门级AV AMP, 前面3件入门级JM LAB , 后置1对JBL PRO3, YAMAHA超低音.

书枱:
电脑, TOPPING USB DAC, 淘宝LM3886 扩音机, 1对入门级 JM LAB

床下底:
古董前后级

---

作者: bbgirl223    时间: 2024-11-1 18:34



有道理，讯源唔靓再放大就更加唔靓，亦当然一分钱一分货
我系换左DAC(pre-amp)之后感觉简直天渊之别，当然唔系讲部Audiolab M-DAC+有几正只系佢果部后级几抵玩，我用两部做mono mode 480W推对二手买返黎既JBL 12吋3路喇叭就几夹
不过之前买二手喇叭就捉左虫，未睇清楚亦未试清楚就买，后来用左几个月翻新，先听得返之前听过既声

---

作者: bbgirl223    时间: 2024-11-1 18:56

本帖最后由 bbgirl223 于 2025-3-2 22:35 编辑


可能我年纪唔会少过你上左年纪已经变成木耳，不过仲学人玩电源滤波玩电源线，几百蚊淘个返黎拆晒里面d料重新砌过，整完心安理得，完全听唔出有咩分别 咁咪当一个多插座既拖排用

你忠情JM Lab喇叭系咪有过人之处 CHING用黎听咩音乐为主呢？看到你话用Denon既AV amp都推到，唔知声底如何?

---

作者: 1个闲人    时间: 2024-11-1 21:01

本帖最后由 1个闲人 于 2024-11-4 02:06 编辑



    当年为了睇LD, 而集齐一套的JM LAB, 贪佢高音够响, 金属声够突出.

更正: LD年代系AC3, 当时用天朗DC200同轴喇叭,
          到用DVD的杜比5.1时, 才转换JM LAB.

---

作者: bbgirl223    时间: 2024-11-1 22:24

本帖最后由 bbgirl223 于 2025-6-24 21:05 编辑

想当年LD年代我听过JBL 4425睇星球大战果种震撼，一直都记得
但我始终钟情3路分音，早几年就搵到对当时年代既喇叭，结果得不尝失，木箱收水现象要重新订制木箱，单元由美国订零件，线圈，纸盆，喇叭边等等，再加埋淘宝接线柱，用左几倍价钱砌返呢对喇叭

---

作者: alextsang_tt    时间: 2024-11-1 22:46

本帖最后由 alextsang_tt 于 2024-11-1 21:27 编辑


据啲师兄讲...金属掁膜兴起初期...因频应高(相比当时)...同时都自带金属毛刺声(可能平嘢先会)...睇戏会几过瘾...听歌就愈听愈刺耳...以前领过嘢...入一入hifi铺运桔...就比个sell屎水咗我...莫名其妙就买咗人生中第一对属于自己嘅喇叭...tannoy m15...虽然都系入门级别...90年代头咁上下啩..都差唔多3千银(成个月人工)...果时啲组合都唔系听歌...只系啲第一代AV AMP同LD机...啲声唔知点咁...完全系不似预期...愈听愈无心机

---

作者: alextsang_tt    时间: 2024-11-1 22:52

本帖最后由 alextsang_tt 于 2024-11-1 19:21 编辑


师兄真心劲...recap recone...甚至rebuild箱体都一概难你唔到(怕且连分音器都摩埋)...我乜都唔识...都系见人讲DIY喇叭最易玩但最又难玩得好...我都有对4412...不过早年寄存喺朋友家中...湿水搞到箱体有啲爆...虽然想过换箱...但似乎会好贵...都系继续收埋喺床下底
开头见师兄第一幅相谂咗好耐...见个dust cap同箱体...仲以为L100 CLASSIC果啲新喇叭..但望见中音外框又唔似...原来系DIY...箱体好靓仔
请问师兄个DIY箱过程系点架？最后又点解决...

---

作者: 1个闲人    时间: 2024-11-1 23:57




    当年后生, 金属掁膜觉得够哂抢耳,
现在年纪大, 听歌觉得高音刚刚好

---

作者: bbgirl223    时间: 2024-11-2 18:51

本帖最后由 bbgirl223 于 2025-6-24 21:05 编辑

果时由于疫情期间屈系屋企无所事事，咁就决定搵野搞下
JBL4412，4311，4312我都听过，对4311，4312低音钢琴边出既低音唔系咁满意，而4412就改左Ti做高音，就好似师兄所讲金属味，我曾经玩过L112，对佢既声比较啱听，奈何想搵对平放既喇叭咁就搵左对4411
DIY喇叭首先出图纸按照1：1比例，将装单元面板部份加厚左一倍，由于高音单元安装方法唔同，从箱内向外安装，所以高音单元附近要开圆形凹位减少厚度，而中音单元原来系有个密封圆筒套住，咁就唯有订做埋圆形木箱系里面，后面接线位亦跟手改埋
既然所有图纸已准备好，就开始搵祖国做喇叭箱既厂家，搵到一家开价近4千人仔其余好多唔肯跟足图做，胆博胆就订左，等左半个月再加500运费，终于收到新喇叭箱

拆箱睇下靓唔靓先

咁就开始拆旧喇叭搬过去新箱

---

作者: bbgirl223    时间: 2024-11-2 19:08

本帖最后由 bbgirl223 于 2025-6-24 21:06 编辑

另外我钟情JBL原汁原味，所以分音器无坏就乜都唔改。

后来发觉原装既线比上手用家换左金银线，唯有走去配返Belden线(用返美国线 )

而果时既JBL接线柱真系接受唔到

跟住发觉单元有问题

---

作者: bbgirl223    时间: 2024-11-2 20:50

本帖最后由 bbgirl223 于 2025-6-24 21:07 编辑

首先发觉对低音单元爆边，然后有只中音单元拆声
既然洗湿左个头，上网搵下有无二手单元卖先，搵左成个月都无，就决定上ebay订零件返香港，由低音单元换边开始搞
咁当然换埋喇叭接线位

至于中音难搞好多，因为纸盆穿令到拆声，一定要连线圈一齐换，重要换一对

高音反而无事，真系上天保佑，因为真系无线圈震膜换
终于全部搞掂晒

再上伟大既祖国淘返个Logo先

师兄知道我点解要对喇叭放入柜呀
对喇叭煲左几个月d声先返黎

---

作者: bbgirl223    时间: 2024-11-2 21:02



后生果时真系觉得高音抢耳正d，不过我要求低音多d
但我从未买过AV amp用，唔知数码解码前级算唔算

---

作者: bbgirl223    时间: 2024-11-2 21:32

本帖最后由 bbgirl223 于 2025-6-24 21:07 编辑

喇叭线一直用Monster Powerline 2 plus，后来年纪大就转下口味，想听返d细致野，所以走去地库换线。

其实换左感觉未必有怪兽线咁好，话晒果时买仲贵过而家既古河线

---

作者: jimswong    时间: 2024-11-4 09:50

回覆 17# bbgirl223

睇到师兄修復对JBL有心有力，真系好佩服，有猫猫可能要落埋猫网稳阵啲。

---

作者: bbgirl223    时间: 2024-11-4 22:26


不过而家几只猫都大晒咯，而呢套音响已经入晒盒，因为我又搵到我既JBL dream speaker
而为左呢对喇叭，把心一横决定全部换晒去

---

作者: derekchan    时间: 2024-11-6 21:23

提示: 作者被禁止或删除 内容自动屏蔽

---

作者: bbgirl223    时间: 2024-11-6 22:57

本帖最后由 bbgirl223 于 2025-6-24 21:08 编辑

Sorry，我从未玩过AV amp，而电子嘢只知一点皮毛
但好似很多AV amp讲每声道输出都几大，而且又会有好多声道，咁一般好难做到晶体管全对称推动每个声道，或者推前主喇叭会有机会，至于系class AB唔算难做，咁当然牛靓滤波电容(水塘)够大对AB类影响都几大，我谂其余声道有机会用IC power，至于每间厂设计点摆位都各有各好处，最紧要系散热方面，尽量走线最短。
后生时都砌过扩音机玩，只知基本用VR做衰减讯号控制音量，McIntosh做法好似有少少唔同，可能佢有组fix output，唔经volume制同EQ

---

作者: derekchan    时间: 2024-11-7 14:57

提示: 作者被禁止或删除 内容自动屏蔽

---

作者: bbgirl223    时间: 2024-11-7 21:34


McIntosh­个Volume唔会显示-(几多)db，而Audiolab M-DAC+就会由-80db开始，不过当接电脑用ASIO，就算关到最细都听到喇叭有细细声，咁姐系佢设计上个电子衰减器做得麻麻而McIntosh关到最细只显示0%，但喇叭系完全无声，当然一分钱一分货，唔可以用贵10倍价钱做比较
我无用过蓝牙连去DAC前级，我几部DAC都无蓝牙功能，只有TV用蓝牙连接Soundbar
好奇问下你音乐档系咩file？经蓝牙会唔会好声过PC用usb连接呢？平时用咩讯源去anthem mrx740推对JBL 4309？定主要用黎睇AV？另外你部anthem mrx740有好多hdmi 2.1输入，有无hdmi eArc入DAC？
之前有位师兄用Roon>DAC话系两个世界，反而我想知同一个format既file由PC经usb去DAC会相差几远

---

作者: alextsang_tt    时间: 2024-11-16 04:06

本帖最后由 alextsang_tt 于 2024-11-16 11:47 编辑


果位师兄可能想表达以佢N05XD(STREAMER/DAC)喺不同讯源比较，电脑usb(usb mode)／ROON(network mode)，不过见啲师兄通常都会讲...电脑USB比较干冷硬...分析力差少少...LAN比较好声啲静啲之类

其实两者中间都仲有一大烂餐嘢搞...简单举例如usb filter/光隔/DDC/专用rounter/专用switch/hifi music server/usb线...lan线/每件device又上个lps...

我自己用
nuc(keces lps19V)USB(acoustic revive usb 1.0sp triplec)>ifi micro iusb 3.0(keces lps5V＋ipowerX9V)>teac ud701n(cg-10m clock)>金仔aslc>violectric v550>abyss diana phi(电源线电处一概无搞过...  )
foobar2000有使用teac asio device...preferences同windows registry都有跟教学略为修改过
pc安装minimserver(UPNP server)接手机(lumin app)，network全部嘢乜都无搞过...
相同档案(FLAC 16bit 44.1)比较，听落居然差唔多......可能我系head-fi...而听开嘅又只系香港旧pop song...

---

作者: bbgirl223    时间: 2024-11-17 10:29

本帖最后由 bbgirl223 于 2024-12-26 09:24 编辑


CHING你咁既玩法都几复杂
我反而想知STREAMER既原理系咪同一部PC加一个NAS咁，将储存既音源file经usb去DAC？或者系经lan出去DAC？如果系经lan出去DAC又好似重复左咁，中间又要有只switch之类既
我见有厂家出NUC做music server，其实系咪等于一部mini pc？有lan port又有内置硬碟或者ssd，如果好似Lumin咁，系咪经lan过file然后直接经内置DAC转音频出前级呢？小弟有些疑惑未搞清楚
请师兄指教
现有Nas ：Synology DS-918+
路由器：Netgear RS-700s wifi 7
PC : 10G Intel lan
Network cable : Sanwa Cat8 (全部接路由器 )
Nas内储存左2TB华语歌曲，全部系DSD64 (SACD DSF)，唔知换左STREAMER音质会有几大分别呢

---

作者: derekchan    时间: 2024-11-17 15:02

提示: 作者被禁止或删除 内容自动屏蔽

---

作者: alextsang_tt    时间: 2024-11-17 16:49

本帖最后由 alextsang_tt 于 2024-11-17 14:20 编辑


人玩我痕又试吓，可惜似乎系无野搵嘢嚟搞...我应该算玩得比较简单果啲...而且都系乱嚟...无乜理论支持

以我粗浅见识...多数streamer都系串流兼解码，甚至前级...串流mode受讯方式系网络...而亦有系纯transporter/bridge(应该两者都系同样嘅嘢)，即系好似纯CD盘无解码咁...自己有靓解码当然选择后者



贵嘢未有幸见识过...多数streamer都系兼任埋DAC角色(亦有前级果份都做埋)，可以选择唔同受讯mode工作，例如(usb/optical/coaxial/network/wifi/bt)


有啲更加有埋hdmi(arc)/aes呢啲介面

或者咁谂...最后识讲人话(analog)果个一定系dac...净串流果部份当佢仲系讲梗外星语言(digital)...

有兴趣师兄可以搜寻一吓roon ready/roon test嘅dac参咩一吓model...不过个list似乎几outdate...连我部两三年前model都无...

仲有啲品牌有内置储存装置型号，有部份型号buit-in cd reader或可以接外置做rip碟，外置/内置设计会唔会好声啲就唔知，至少可以省郄唔少烦恼，品牌如ROSE/aurender/auralic...又或者近年cd兼streamer都有...marantaz 30n

至于其他CAS问题...我亦只系门外汉一名...有待其他师兄解答

---

作者: bbgirl223    时间: 2024-11-17 18:20



未曾研究过，可否讲多些少

---

作者: bbgirl223    时间: 2024-11-17 19:21


CHING对CAS比起我知道既更多，至于提及既streamer都系串流兼解码，甚至前级...而我已经有解码同前级，意思上已经无须再添置(先唔讲边只音质靓d)，另外讲既纯transporter/bridge就等于系一个network receiver接收档案再交俾DAC，而呢类产品可以兼容咩format既档案，例如WAV,FLAC,DSD,DSF就能设定好交去DAC？因为我发觉唔同既file系电脑都要做设定再去DAC，咁DAC才能正常运作，唔知CHING有无遇过咁既问题
又或者会唔会呢类产品唔会出现呢个问题，因为只系一个系网络中接收左就交出去，所有Native PCM or DSD都靠DAC辨释？我反而对呢类产品有兴趣，不过去音响铺好似唔觉有

---

作者: bbgirl223    时间: 2024-11-17 21:23


简单睇左roon既原理，以下系我对roon初步理解，有错勿插
roon其实算系一个软件，可以装系唔同既电脑，Mac,Window,ios or andriod,主要搜寻自己网络上设备同音乐档案，利用自己平台设定音乐库介面，会搜寻音乐封面图片及其内容，同时亦可到付费平台听音乐(TIDAL)，如果不想付费就需要用家有网络储存器或电脑储存音乐档，操作上系你既网络上经过NAS或者PC既usb输出去DAC连接左既HIFI，当然网络上不分客厅饭厅厕所都能摆放音响设备，至于roon出售既硬件只有两个型号，我猜测应该属于NUC之类，因为有提及CPU之类既野，内部储存兼容2.5吋SSD或硬碟(唔包)，而佢个软件好似唔系免费既，有限期试用，­唔知我有无理解错或者有CHING可以抖正下
另外佢有提及可兼容768kHz/32-bit PCM and DSD512 (stereo and multi-channel) in WAV, WAV64, AIFF, FLAC, ALAC (Apple Lossless), DFF, DSF, OGG, MP3, and AAC，亦有刚才位CHING提到既bit-perfect，佢会检查你既硬件作出适当调较以配合器材使用，亦相当于ASIO or WASAPI，唔知有无CHING装过试用版玩过先唔讲佢个介面同功能，系PC上用Roon同Foobar 2000音质分别有几大呢

---

作者: bbgirl223    时间: 2024-11-17 23:52

尝试上Roon安装试用版，原来要登记地址同信用卡，14日后会自动扣钱，每个月俾us$14.99，但唔登记根本无得试用，完全系搵笨

---

作者: derekchan    时间: 2024-11-18 16:25

提示: 作者被禁止或删除 内容自动屏蔽

---

作者: derekchan    时间: 2024-11-18 16:27

提示: 作者被禁止或删除 内容自动屏蔽

---

作者: alextsang_tt    时间: 2024-11-18 19:30



以前见买断港币3千几...而家唔知仲有没买断定还事加哂价...

如果我玩大机同多device都会买...不过部机喺正我面前就无谓搞咁多嘢

---

作者: alextsang_tt    时间: 2024-11-18 19:44

本帖最后由 alextsang_tt 于 2024-11-18 12:24 编辑


师兄电脑播file时会用乜player？

---

作者: bbgirl223    时间: 2024-11-18 21:31


除左用Chrome上Spotify同YouTube听歌，通常都系用foobar2000，components就只系装左ASIO，SACD，DSD processor，电脑长期用USB接DAC前级，其余所有音频输出全部关晒，因为我部电脑唔会用黎打机，我要部脑唔热，CPU长期得几个% 不过张10G network卡就好热

---

作者: bbgirl223    时间: 2024-11-18 21:47


曾经试过将4K blu-ray几十GB既戏转过落电脑，画面唔会靓过上网download remux档，如果系4K片源我会直接用电视内置player(DS Video)，用MPC+MadVr加张RTX-2080Ti都唔够电视靓（好多年前已比较过），至于压缩音乐档就更加唔会咁做，因为有NAS做储存，爆左就升级转8 bay

---

作者: bbgirl223    时间: 2024-11-18 22:14


AV amp同很多扩音机开机有哒一声，应该系喇叭保护，系部机未正常工作时候防止出直流烧喇叭，一般着机两三秒后继电器才开。
其实每只decoder chips分别应该系分析力，大家既取样频率唔同，音质都系靠旁路音频放大，所以有些厂家用胆，有用OP amp IC，取决于音质取向，贵既亦未必啱自己口味，所以我对纯analog既无乜兴趣，黑胶唱片点搞都有杂音又洗碟又会有静电，玩胆机又话有交流声有hung声，每次着机又要煲胆又话加地盒，小弟唔识欣赏，敬请勿插，纯属个人观点

---

作者: 十六夜    时间: 2024-11-18 22:32

其实 D 玩开黑胶同胆机的, 反而可能会觉得玩 PC-HIFI, CAS 等复习又麻烦, 但其实听CD 先最简单直接.

其实我觉得玩CAS都系麻烦, D人又要听digital玩出analog 味, 又要搞一大堆 电脑丫, NAS丫, 软件丫, 重要HIFI 网路丫, 又话WIFI都会影响到 CAS 网路啊, 搞个rounter switch 光隔 连全屋 lan 线可能都要10几万 ~ 择个source又一大堆学问, 都唔好讲RIP CD.

主要懒, 贪方便听串流同file的新手路过.

---

作者: bbgirl223    时间: 2024-11-18 22:51


其实师兄讲得啱，小弟真系懒，亦可以咁讲系贪方便
听CD要换碟都觉得麻烦，香港地方细，一个NAS可以储存成千上万只CD都得，屋企真系放唔到但好似我几十岁搞咁多野都系听唔出有分别纯粹系度学下交流下，HKEPC都静左好耐啦

---

作者: 十六夜    时间: 2024-11-18 23:10

本帖最后由 十六夜 于 2024-11-18 23:16 编辑

其实我认为, D人玩咩 (i.e., 黑胶, CD, 定系CAS) 主要都系睇佢地听开D咩音乐, 同咩年纪.

有D人听开D音乐都会出黑胶碟
有D人储埋廿几三十年几柜CD又唔系咁识搞CAS, 咪听返CD 攞
有D人熟电脑的 (版上的师兄大神), 咪可以搞CAS啰

好似我咁, 我都唔系唔想试玩黑胶和CD, 但我听开的流行曲唔好讲黑胶, CD都未必有/咁快有, 所以都没办法. 都系听串流 RIP 碟 买file 最好.  

但...其实我都系听youtube music多 www
我都系搞咁多野都未必听得出有明显分别, 会去到我接受唔到的人
我的接受程度都好低 www

---

作者: jimswong    时间: 2024-11-19 10:13

回覆 41# 十六夜

师兄讲得啱，而家好似系兜一大个圈，要你洗好多钱，然后还原基本步咁...

---

作者: 1个闲人    时间: 2024-11-19 10:21

我都系, 先到youtube搵歌睇下,
啱听才去串流音乐平台, 搵到只歌就放入私人LIST内.

---

作者: alextsang_tt    时间: 2024-11-19 10:57

本帖最后由 alextsang_tt 于 2024-11-19 03:27 编辑


***因为我发觉唔同既file系电脑都要做设定再去DAC，咁DAC才能正常运作，唔知CHING有无遇过咁既问题***

我PC主要都系foobar...档案主要CD(wav/flac)，就算SACD ISO/DSF，唔需要反覆调较，最多试过播放DSD 22.6MHZ以上就唔支援(我部机最多只支援到22.5MHZ)

有少少好奇.......师兄个问题大概系点？

spotify我钟意用翻佢个软件，贪佢介面做得FIT啲同有啲嘢玩，歌词/spotify connect(唔同device连动)/排序...我唔系premium
[attach]2452475[/attach]
不过我部机支援spotify connect...选择介面变咗由手机/平板app...听感比较电脑好声少少

---

作者: alextsang_tt    时间: 2024-11-19 16:24

本帖最后由 alextsang_tt 于 2024-11-19 09:01 编辑


有损压缩唔使试都知画质下降，压缩比率仲要咁大，试嚟都无谓，况且都唔啦更

反而无想像过电视内置player(DS Video)，居然会靓过MADVR搭2080TI，MADVR都系我隐患...不定时都仲会有多少痕痕哋，一直都无玩靓电视...假如下部换咗OLED，都应该会再试吓

---

作者: alextsang_tt    时间: 2024-11-19 16:53

本帖最后由 alextsang_tt 于 2024-11-19 10:25 编辑


想向师兄请教吓，我无电子知识...但都想试吓为部head amp换OP amp，多年来见其他师兄换得好开心，都想试吓，打算换嘅位置系输入(唔知叫乜嘢位置)嘅两粒Ti ne5532，同埋放大(都系唔知叫乜嘢位置)四粒Ti ne5534，另外见人讲vol buffer都有一粒(唔知换嚟有没作用)，谂住换burson v7...虽然无同样机型换上嘅report，但见同厂啲兄弟机都有人上过，音质如何我就无法求証，但至少见人都无炒车，虽然咁讲太空泛，唔知师兄有没乜嘢意见可以比小弟

---

作者: bbgirl223    时间: 2024-11-19 17:16


几年前已经比较过，用DS Video 就可以plugin 字幕，比起电脑点搞都靓唔过佢，用张啱啱出既RTX2080Ti系MadVr set到尽都输俾部电视，电视内粒chipset专俾影像，但果时张卡贵过部4k电视，用平卡又行唔尽MadVr，终于玩到投降。之前谂住转LG OLED，奈何无得装DS Video, 只能用DLNA先用到内置player ，就等到旧年三星先出OLED，就第一时间换左，就好似另一位师兄讲既两个世界点解唔系电视度装另外一些player ，因为电视内置个player 真系最靓，同DLNA直攞file画质一样无分别，只系4k电影唔兼容字幕而且又用紧佢既NAS添

---

作者: bbgirl223    时间: 2024-11-19 17:26


其实想了解多啲streamer（无内置DAC)既构造，同电脑usb输出边个会靓声啲
另外我用foobar 点set都播唔到Native DSD512，但我部前级明明话出到，有无其它师兄帮到手呢

---

作者: alextsang_tt    时间: 2024-11-19 17:58

本帖最后由 alextsang_tt 于 2024-11-19 10:34 编辑


foobar应该都系跟driver...你部机其实会唔会有专用drvier,而你又无上?

其实我都有啲疑问,我见所谓DSD512(22,579,200 Hz),同埋22.5mhz/22.6mhz系咪同一样嘢，我本身无咁高规格嘅file，只系用下面嘅sample(dsd512/22.6mhz)试，但我部ud701n声称支援DSD512/22.5mhz，但喺foobar2000就无法播放...lumin app果边未试...

我自己无呢啲file，只系去网站搵sample试
https://samplerateconverter.com/educational/dsd512

---

作者: bbgirl223    时间: 2024-11-19 20:41


有样同师兄相似地方就系Youtube先有我想听既英文流行曲，可能比较另类，后来果间唱片公司先将d歌放上Spotify，所以我就系Spotify听咯，又系唔见佢有出实体CD碟
所以听听下就想搞好声d，结果又愈玩就愈大，不停追求音质，换喇叭，换后级，换呢样换果样
未知师兄而家用紧咩音响器材听Youtube，感觉如何？

---

作者: bbgirl223    时间: 2024-11-19 21:44


呢样由我90年初买左一部LUXKIT后级之后就开始转变，之前只会买当时几只牌子既电子组件，返屋企用辣鸡慢慢銲黎玩，出到声就叫成功
砌部LUXKIT后级系我最花心机，当时对电子常识只是皮毛，只知道某些电子零件专做音频，Holco电阻，WIMA电容，Rubycon Blackgate，Enya Cerafine，OP amp用BurBrown NE5532，内部电线用镀银线，记得当时买两个Blackgate 10000μ水塘都买唔起，唯有买Cerafine，果时都要八旧水OP Amp其实用普通几蚊粒都得，但一听到BurBrown NE5532系军用级别又走左去买讲到呢到其实师兄可以上网搵下每样电子零件个spec，就知道系咪有需要换，先唔讲音质，最起码真系襟用好多，好唔好声我只可以讲系好左1至2%，但每样就为左好1至2%，追求音质就系咁玩
我个人提议先从喇叭着手，一对喇叭完全表现唔同声音特性，搵啱自己钟意既声音先，其余先慢慢配搭，如果你好满意而家既声，就真系无谓去换OP amp IC，等于你话换左条usb A to B既线会好声左几多

---

作者: 十六夜    时间: 2024-11-19 22:28

本帖最后由 十六夜 于 2024-11-19 22:30 编辑

回覆 52# bbgirl223

其实我HIFI龄比较浅(?). 以前没乜讲究, 都只系用AV AMP推超旧(20年) 不明坐地喇叭睇电视听歌.

上2年无啦啦工作上接触佐少少HIFI野, 开始好奇比较正经的HIFI器材D声会系点, 就先加佐只超入门大陆解码, 换过D大陆土炮超粗喇叭线, 发觉原来对20年不明喇叭D声都可以差几多, 咁就开始入坑了.

上年先开始换D比较入门(?) 的2CH all-in-one AMP 同喇叭, 听佐1年多(即系到早几个月)...不幸个2CH all-in-one AMP坏佐...因为没歌听, 一不做, 二不休, 又成套买过...废话完了.

简单来说, 器材我而家用紧 Esoteric N-05XD > Esoteric S-05 > B&W 805D4
(註1: 聆听环境100尺唔够)
(註2: 其实我本身想买TEAC UD-701N)

前面Source 就:
1) Youtube: 电视 > Optical > Esoteric N-05XD
2) Tidal: iPad (Tidal direct) > Network > Esoteric N-05XD
3) Qobuz (日区): iPad (Esoteric Sound Stream Apps) >Network > Esoteric N-05XD
4) Files (买或者RIP碟): NAS > Network > Esoteric N-05XD
5) Youtube Music: 电话 > Airplay > Esoteric N-05XD (好随意...www)

所以我而家个系统其实好简单...

短时间内,
a) 加返只iFi LAN iPURIFIER Pro, 加佐心理上好似好D
b) 应该会买Roon用, 到时Tidal, Qobuz, 同NAS d files 都可以统一用Roon 播
c) 应该会买Mac mini M4 (2024) 玩Roon + HQ Player

中期目标,
d) 加只Clock: Esoteric G-05
e) 加多只AMP 玩mono AMP: Esoteric S-05 (谜之声: 你加多只AMP只系推B&W 805D4会有用吗???)
f) 加电处之类的

以上

---

作者: bbgirl223    时间: 2024-11-19 23:37


­原来师兄先系高手，有眼不识泰山
睇黎Esoteric真系好多捧场客同埋亦好捨得付费平台听歌，师兄可否透露下你讲既Network到底系咩呢？同埋电视 > Optical > Esoteric N-05XD音质如何？出唔出到Dolby？
我之前都系用Optical去DAC，而家用hdmi eARC发觉好声d
买Roon会连硬件买吗？感觉收费平台太多，又Netfix睇韩剧，Youtube同Spotify又系
B&W我由90年代开始听，当时财力只能买对DM-17FS，保存左十几年终于都卖左，果时802 Matrix 2真系好正，跟住之后既B&W喇叭走高清路线，亦可能配合数码年代，连声底都跟趋势变左，再唔啱我呢类老鬼听我个人比较念旧，有错勿插，纯粹交流下

---

作者: bbgirl223    时间: 2024-11-20 00:08



driver已经装左，foobar 亦搵到，咁都系同师兄同一问题，厂家话支援DSD512但又系出唔到，真系唔知到底系设定问题定点

---

作者: 十六夜    时间: 2024-11-20 00:13

本帖最后由 十六夜 于 2024-11-20 00:37 编辑

回覆 55# bbgirl223

首先我一定唔会系高手, 只系相对地比较捨得使钱 (以入坑时间计?).  呢个post 都唔少人用Esoteric (加埋TEAC).

付费平台其实计埋计埋每个月都真系好金 (e.g. Youtube Music, Tidal, Qobuz, 计埋Netflix丫, Viu丫, 台湾动画疯, 重要加埋VPN, 大陆果D串流平台....下略), 但要用嘛, 都没辨法. 所以真系唔可以订埋Spotify...但...等佢真系出Spotify HiFi先再谂 cut 边个.

另外我上面讲的network 没乜特别, 其实只系经wifi同lan射落Esoteric N-05XD, 因为有人系会用ipad 驳usb去dac听歌?  

电视 > Optical > Esoteric 声音都还好, 但Esoteric N-05XD 唔support Dolby 的吧.
我都想驳HDMI eARC, 但Esoteric没 (我之前果部All-in-one AMP先有), 我都觉得驳eARC好, 最紧要系可以用电视摇控control volume.

黎紧买Roon 唔会连硬件买啦, 一系装系NAS, 或者装系mini PC唔关机.
其实我想想买新果部Mac mini M4 然后装Roon 同HQ Player落去 (拎佐海关批文(?), 但重未捨得买)

最后其实都好似听过好多人都话而家的B&W口味唔同晒.
你话B&W D声话特别好吗? 比B&W好的都有唔少.
你话B&W的性价比高吗? 其实到D4系列真系相对来说性价比唔高.
但, 佢个样好睇, 大品牌, 容易入屋嘛 (i.e., 容易拎入屋批文), 买玩具好多时都要系价钱, 质数, 同外观来拎个平衡 (以个人标准计).

最后顺便一提, Esoteric 系列其实都好靓仔.

---

作者: 十六夜    时间: 2024-11-20 00:21

本帖最后由 十六夜 于 2024-11-20 00:25 编辑

回覆 56# bbgirl223

回覆 51# alextsang_tt

我没用过foobar 落Hifi, 但上网睇一睇, 见有人提过 (2021年的post):
"foobar要支持DSD256及以上, 必须用另外一套插件, 原来的foo_dsd_asio不支持高码率"

唔知关唔关事, 但可能你地都试过?

---

作者: bbgirl223    时间: 2024-11-20 08:57


Esoteric 真系好靓仔够时代感，外壳用全铝合金cnc制作，成套配搭埋B&W 805D4应该好衬，可否发几张照片睇下师兄套玩具？
另外提及系NAS度装Roon，好似话可以用usb就直出去DAC，期待师兄既测试效果如何咁系咪要将NAS同音响放埋一齐？
师兄讲既连接串流平台，系咪用手机或平板经Network 连接Esoteric 就能控制连接上任何平台听歌，当然要登入帐号啦，如果系咁样真系几方便，如果系仲有需要用Roon？目的就为左整合串流平台同NAS？又或者Roon话support DSD档，就能够经Network 过俾Esoteric 直播？
Foobar 呢几日要重新深入研究下先，之前睇过几个网站，但都唔够详细教设定，亦搵过HQ player可support DSD in & out,应该可以兼容Native DSD，但未有时间试玩

---

作者: derekchan    时间: 2024-11-20 16:03

提示: 作者被禁止或删除 内容自动屏蔽

---

作者: marklau    时间: 2024-11-20 17:03



你好呀, 我用紧金仔e270,
想问下e370够唔够推PMC twenty5.21i?
对pmc几有兴趣, thanks

---

作者: alextsang_tt    时间: 2024-11-20 20:13

本帖最后由 alextsang_tt 于 2024-11-20 19:58 编辑


喺未改plug-in前都试埋network mode又播放到dsd512,正纳闷之际,见到回覆
虽然师兄无玩过，但都比师兄一语道破问题
改用foo_out_asio+asio已可以正常播放dsd512/22.5mhz
总算喺自己套嘢体验过吓最高规格嘅音乐格式，大概可以听得到啲乜嘢声，对比多年来听开果啲旧歌录音音质，直接比较下系天差地别(就好比画质嘅720/4k)，突然有啲意兴阑珊之感......

roon都想玩...暂时都试吓免费嘢先...除咗minimserver...啱啱再试咗twonky...觉得twonky似乎比minimserver好声啲,唔知师兄有没试过...
操作介面系咪都系lumin app最好?

---

作者: bbgirl223    时间: 2024-11-20 22:30

本帖最后由 bbgirl223 于 2025-6-24 21:09 编辑

我都终于搞掂
爬左成日点set最好，最后上埋foobar自己既讨论区，终于装左foo_out_asio+dsd呢个就搞掂

而家听另类既英文流行歌都出到DSD512 终于无晒烦恼，唔谂装其它player咯

---

作者: bbgirl223    时间: 2024-11-20 22:43


睇黎师兄对volume同输入制特别有兴趣，可以考虑下Cello Etude，基本得个volume制同选择制，又唔使插电，但个价钱就。。。见仁见志，东京光音个volume制都唔平，但对音质有无好声左呢
https://auralhifi.com/products/v ... -state-preamplifier

---

作者: yanluk    时间: 2024-11-21 07:00

我套音响组合好普通,TEAC PD301 CD player (贪佢有收音机) Coaxial 出 NuPrime IDA8 -> Focal Aira 906
多数CD听流行曲,少少Jazz 同 Classic, 有时都会用电话经USB驳Amp听

---

作者: bbgirl223    时间: 2024-11-21 08:51


其实我套音响都系好普通系HKEPC大把高手深藏不露，用名器既已经有好多位师兄
大家纯粹交流下，就得知影音器材已经转变，一些老牌子都需要配合数码年代，反而Microsoft 十几年前已经搞过，将电脑同影音产品结合，当时套软件好似系叫Windows 2005 MCE，可能无乜硬件配合而被淘汰，到了Win 7年代直接取消MCE了点知过多几年又开始CAS，网上大量音乐收费平台，可能大把钱赚啦
师兄套音响主要听CD，但亦有连接数码设备都算系玩CAS，NuPrime呢个牌子好似系台湾品牌，扩音採用D类设计，记错勿插请抖正，呢知配对法国佬既Focal 声音如何？可能另有一番韵味，用coaxial 同fiber 有无比较过边样好声啲？

---

作者: yanluk    时间: 2024-11-21 09:11

回覆 66# bbgirl223

未试过CD fiber 出amp,所以唔知有没唔同，但CD Coaxial出amp 一定要好过CD 解码 analog出amp.
Class D 听落都几好，classic 分析力唔错.
想起中学用老豆买落 AV amp 听流行曲已经好开心，感觉好好声。

via HKEPC IR 5.1.14 - Android(5.1.2F)

---

作者: bbgirl223    时间: 2024-11-21 10:22


睇个呢只机既介绍，属于迷你型，曾几何时我亦曾经买过Mission Cryus 2+PSU玩过，果时当然无DAC，输出亦无咁大，感觉上只能推一些灵敏度较高既喇叭，系听完推Roger's 3／5A同B&W DM17之后，好快就卖返出去，英国佬机系咪唔夹英国佬喇叭？我答唔到你，听林子祥把声真系老牛咁声
师兄最紧要你玩得开心满足就够，呢部NuPrime内置DAC亦可以连接电脑听歌，尽量玩尽每一个功能，唔好浪费，同时又可比较下边样好声啲，到时又好似我烦左好耐个软件点set，先至发挥到部机既音质出黎

---

作者: 十六夜    时间: 2024-11-21 12:47

回覆 59# bbgirl223

屋企相应该唔会比放上网, 我迟D睇下比唔比PM你分享一下 ^.^

首先我部Esoteric 其实系一部Roon ready (i.e., 支援Roon的网络播放器) 的 Streamer + Dac + Preamp.

以我所知, Roon Server 可以装系NAS 或电脑, 经Lan/Wifi传去 Roon ready 的Streamer (即系我部Esoteric) 播放, 唔使再驳USB.  我呢个星期日比较得闲时试试吧 (一直唔捨得比钱买Roon...).

另外, 我听紧D 串流平台, 其实都可以用iPad 控制/射落部Esoteric播歌.
i) Tidal 的话可以用Tidal Apps 的tidal direct 控制Esoteric播放
ii) Spotify 的话可以用Spotify Apps 的Spotify connect 控制Esoteric播放
iii) 然后Esoteric 的自家Apps都支援播放晒Tidal, Qobuz, Spotify, 同我NAS d files 等)
iii) 但Youtube music暂时只能用airplay...我发觉好似没中高阶streamer 真正支援播youtube, 都系经airplay, 或者我用电视驳光纤落部Esoteric 播

所以用平板播歌系会比较方便.

另外关于Roon, 以我所知, Roon 主要除了整合串流平台资料同NAS, 支援DSD, 重可以做DSP 数位处理器, 同埋up/down-sample, 都可以配合埋HQ Player 来用(?). 再经Network 比streamer 直播.

---

作者: 十六夜    时间: 2024-11-21 12:58

回覆 62# alextsang_tt

回覆 63# bbgirl223

师兄们都搞掂DSD512实在太好了, 等我有时间都试试 (近排唔知点解好忙...)

Minimserver同Twonky我都未试过 (抄笔记中), 有机会试试.

Lumin App未用过, 但操作介面听说都好. 而我想转用Roon 唔用Esoteric 自家App原因~ 最主要系~ Esoteric App的操作好唔方便...用来听Tidal OK, 但听Qobuz好唔掂...而Qobuz App又唔似Tidal App或Spotify App咁有Tidal director 同Spotify Connect用...

---

作者: jimswong    时间: 2024-11-21 15:03

回覆 61# marklau

以我屋企豆膶咁细都够听，但我觉得未推得尽，之前听过麦景图推系雄厚啲...

---

作者: bbgirl223    时间: 2024-11-21 16:08


我亦都爬过文睇过一些Roon+HQplayer既教学，但未曾用过难以判断，撰写作者讲到Roon既音质....所以要配合HQplayer一齐用，但两个软件都系要付费

https://www.rainlain.com/index.php/2020/02/06/109/

师兄用B&W 805D4有无用脚架？如果有用既话，既然都系佔左地方，系咪应该玩高两级会好声啲呢？我见隔离二手网有对白银色既坐地喇叭，我谂应该仲衬你套Esoteric
好期待师兄既Roon+HQplayer既测试，如果能同场试埋foobar 比较就正咯

---

作者: bbgirl223    时间: 2024-11-21 17:28



曾经YouTube 有人谈论过，话唔系地方细就一定用细喇叭，只要放得落就有大买大，所以我同你一样豆腐膶咁细，但我都宁愿有大买大
麦景图之前我一直认为系老鬼声，以前听MC2500后级总觉得涩黐黐，但力水就充足，声底系厚，可能而家年纪大左，呢几年音响迈向高清路线，又尝试下换黎玩下，心想用佢黎夹我对古董喇叭应该绝配，而家听返又几满意
金嗓子一直都当日本国宝级别，声音幼滑，年轻时根本负担唔起，只能选择Luxman，Onkyo之类，同麦景图比各有特色，当然都系聆听者对音质既取向为首要

---

作者: chingkit    时间: 2024-11-21 18:47


我有朋友真系喇叭有大买大，结果人声太出、太过明亮。

via HKEPC IR 5.1.14 - Android(5.1.2F)

---

作者: yanluk    时间: 2024-11-21 19:34

回覆 68# bbgirl223

屋企地方细，所以细机优先，如果买大机加streamer加座地speaker应该过唔到屋企海关

via HKEPC IR 5.1.14 - Android(5.1.2F)

---

作者: bbgirl223    时间: 2024-11-21 20:38


同佢去日本玩转返黎就得啦

---

作者: bbgirl223    时间: 2024-11-21 20:52

本帖最后由 bbgirl223 于 2024-11-21 20:58 编辑

原来装完出到声做设定先发觉，foobar会系你usb driver度睇得返行紧ASIO系边种
[attach]2452831[/attach]
呢个仲系行紧PCM
[attach]2452832[/attach]
呢个先系行紧Native DSD
同埋呢度有个教学几详细既设定，连用Ram做Buffering都有
https://diyaudioheaven.wordpress ... r-2000-for-dummies/

---

作者: 十六夜    时间: 2024-11-21 23:47

回覆 72# bbgirl223

我的B&W 805D4有用原装脚架, 系佔佐地方.
我都想用座地, 要摆都唔系摆唔到804D4...
我都唔系唔想买802D4, 但802D4真系摆唔到!!!

但, 其实我聆听空间大概只有62呎左右(=5.8呎宽 x 10.8呎深),
系未做进一步sound acoustic底下, 用esoteric S-05 配805D4的低音只系刚刚能在控制范围.
所以最后都系没用座地. (丫...其实系买佐805D4试过之后先知刚刚够)



系啰系啰, 我都认为当然系有大买大啦 (大舰巨砲主义(?))~
但当然要睇返个聆听环境控唔控制到,
我认为书架喇叭同座地喇叭, 都有唔同价位唔同设计, 配唔同后级输出系数都唔同.
书架喇叭配细空间, 同座地喇叭配大空间只系基本入门概念,
睇返聆听空间可以做到咩声学调教, 可以摆到的喇叭都可以唔同
丫~ 但细空间买细喇叭只系没咁烦吧
但可以放到座地喇叭应该到细极有限?



丫~~~ 海关真系好重要, 所以要揾个会听音乐的海关

---

作者: bbgirl223    时间: 2024-11-22 13:42


通常海关最钟意查手袋（系睇手袋先啱）
音响算系男人系屋企既玩具，佢都唔会搞你啲玩具啦你开大声啲佢又话嘈，而且无乜几个真系会欣赏
题外话系我都只系得二百呎聆听环境，因为有猫所以两只喇叭放晒入柜，而对喇叭濶两呎，中间相距约5呎，每边离侧墙约两呎，中间位置放音响同电视电脑同soundbar 既超低音，梳化距离喇叭约11呎，唔知咁样算唔算比例最好，因为间屋系得咁大，之前大装修就为左玩影音，能够做到咁已经尽左能力听歌又唔会觉得低音混浊，可能有落地厚窗帘布吸收驻波，同埋真系好少坐定定系度听歌

---

作者: 十六夜    时间: 2024-11-22 18:10

本帖最后由 十六夜 于 2024-11-22 18:15 编辑

回覆 79# bbgirl223

我家海关最爱Nagra, 所以嚟紧要努力搵钱买Nagra比海关。

via HKEPC IR 5.1.14 - iOS(5.1.1F)

---

作者: bbgirl223    时间: 2024-11-24 10:10


师兄换得Nagra玩，会唔会声源换埋dCS，我见佢成套齐晒乜都有，而且又系银色添，咁配搭唔知靓唔靓声，小弟望尘莫及继续留系Low-end境界算了
期待师兄测试报告

---

作者: bbgirl223    时间: 2024-11-24 10:58


好彩我对喇叭有得调较，迁就返屋企聆听环境，咁近距离听周华健果把口好大，听阿Lam，张学友，张信哲班男声就唔会咯，唔知系咪以前录音系咁
无计，我都系听老鬼华语歌多，仲要用黎睇韩剧添
不过都有听英文歌，全部都系冷门另类，Alan Walker，Nikko Culture，Nando Fortunato，Sia果类型既歌，所以一般书架型喇叭满足唔到我
都系果样，钟意听咩歌就搵咩喇叭先，到我钟意听小提琴就唔会用JBL

---

作者: derek412    时间: 2024-11-24 16:11

edge nq>E480>GT1HD

---

作者: bbgirl223    时间: 2024-11-24 17:41


师兄玩呢对喇叭算比较冷门，低音反射孔向下，感觉上低音会比背后有孔既会多啲，未认真听过唔太清楚，但攞位确实有要求，相对又可玩下钉脚钉垫另有一番趣味。
似乎金嗓子真系多人选择，唔知师兄听边类型音乐多？系咪用紧剑桥做串流？我之前都玩过部合併连DAC扩音机，声底唔错，玩左几个月就放左。
师兄聆听环境有几大？音源通常系咩档案？剩系用佢当串流无用前级部份？咁有无用埋hdmi接电视？DAC出唔出到Dolby？

---

作者: marklau    时间: 2024-11-25 13:52



我都系几十呎厅，我去试下先，谢谢妳

---

作者: marklau    时间: 2024-11-25 14:02


国仁都系咁讲，但我居屋厅比较细，先天不足
因放左边喇叭位置，要放在角落头，重要贴墙，怕有bloom声
幸好pmc个反射孔向前面
其实我都睇中JBL L52都系反射孔向前

我配置：
Rose 201 > 胆前级 > 金仔e270 > wharfedale

---

作者: alextsang_tt    时间: 2024-11-25 14:47



以前见好多师兄吹到万恶根源咁，原来个L-PAD喺功能上有咁大作用

仲有听闻日本仔特别钟情jbl旧喇叭...有唔少人房仔一摆都系12"，如果第日有机会再玩大机...都想入对4343M玩吓....听人讲呢对有质素得嚟...低音算系最易推咁话

---

作者: bbgirl223    时间: 2024-11-25 15:43


金仔真系多Fans应该系容易配搭，声音比较讨好
原来真系好多人玩CAS咁就证明好多人都好似我咁懒
wharfedale呢几年好少听，唔知而家属于边类声底？师兄都系听人声多？

---

作者: bbgirl223    时间: 2024-11-25 16:28

本帖最后由 bbgirl223 于 2025-6-24 21:10 编辑

师兄讲对了，日本仔的而且确特别钟情jbl旧喇叭，应该由80年代开始，其实当时果个年代，JBL既大型Studio Monitor属于Professional 系列，唔会咁轻易卖街，全东南亚应该只得日本当时叫发达国家，台湾都未起步，更加唔好讲中国，韩国，反而香港比台湾还发达，亦有幸可以入口，但香港气候潮湿，唔多可能保养到几十年，而日本天气干燥，日本人又对JBL好神圣，当时利用开大量录音室从美国订返去，曾经睇过一些花边有趣介绍，日本人训觉要训系对喇叭隔离，因为屋企真系好细
讲到呢度，小弟系当时迟几年有幸接触到，一直都想拥有，但当时系我两年既人工(啱啱出黎做野 )
做左几十年人，就黎退休都终于忍唔住

亦系我用左几个月，为左呢对喇叭将全部野换晒，包括音响架柱，钉脚，电源滤波同线材，而呢对喇叭同老麦就系绝配咁当然要换啦

而家听4路喇叭真系唔同晒

---

作者: 十六夜    时间: 2024-11-25 17:56


近呢几个月间然中都会系YouTube 睇到d日本人玩JBL喇叭，搞到我都有少少心郁。

师兄套JBL都好靓仔，过几年如果有机会我都要研究吓！

via HKEPC IR 5.1.14 - iOS(5.1.1F)

---

作者: bbgirl223    时间: 2024-11-25 18:32


搵到咁企理JBL都要讲缘份，话晒都几十年，如果师兄听完4路分音既喇叭，可能你会换对B＆W既田螺玩真系听多好多野，不过都衬你套Nagra
­唔知师兄试音试成点？我试左两日唔用DSD processor直播DSD64，发觉系最稳定，行左DSD512唔太有分别，等你用Roon报告

---

作者: qwe555175    时间: 2024-11-25 19:09

PC -> TEAC AI-301 DA -> Indiana line Nota240X
想问下如果想用1万蚊update设备主要用usb dac接电脑, 请问各位师兄姐有咩建议, 谢谢.

---

作者: alextsang_tt    时间: 2024-11-25 19:24



对4343好靓仔呀
断估师兄锄dee都有一手...楷三会友...收埋烟dee慢慢睇住出
突然见到C53已经开始好奇...咁后级系乜...无理由仲系果对DIY JBL架...原来已经大洗牌
老麦JBL似乎都系经典绝配，世界通行，而就算外观上都好鬼夹，真系睇到流哂口水
净系幻想吓都feel到...应该会系有幼细又有气势

---

作者: bbgirl223    时间: 2024-11-25 20:57

本帖最后由 bbgirl223 于 2025-6-24 21:11 编辑

哈哈，呢对JBL绝对系经典公认好声之一，4344 要搵到咁鬼靓仔都好难

买完之后洗湿左个头，谂下搵咩Amp黎夹佢，Goldmund就一定唔谂，因为我试对喇叭就系用佢，声音系好清好细致，音场亦好阔，但果种低音力水唔系我预期咁，Burmester同GRYPHON又放唔落个架 ，返到屋企用两部Audiolab行 mono每边 480w黎推，又感受唔到JBL既韵味，就唯有老麦同佢最夹，但已经无位玩Dual mono 因为要用前后级先玩得掂佢，所以就用左呢部

前级方面我唔钟意胆味，睇返老麦网站C53用最新DAC 2而且同部后级果时评价好高，所以无谂部C55，因为我唔谂住用佢个app黎控制部前级，我全屋已经系智能家居，返屋企讲句野就着电视电脑音响

---

作者: bbgirl223    时间: 2024-11-25 21:17


你既然玩开送你机组合，其实用之前有位师兄既NuPrime应该唔错，输出比你用紧既大得多，佢既DAC出名都靓声，可以同果位师兄交流下，小弟对CAS都俾佢玩到头都大

---

作者: alextsang_tt    时间: 2024-11-25 22:26



系喎...4344唔系4343...又唔识扮识添，其实比我有位有钱都唔系好敢买，怕无经验比人搵笨
再check翻原来两对原始型号，都真系几廿年歷史...43/76...44/82...keep到又好...翻新都好...有咁嘅靓仔程度...真系一啲都唔简单呀
两台后级即系玩电分？见数字台班JBL CLUB老前辈是必要玩玩

---

作者: bbgirl223    时间: 2024-11-26 08:45


电子分音就唔打算玩咯，呢对喇叭全原装，连接线柱都仲系旧式夹线果种老爷嘢，好多都已经换晒WBT蕉插座，之前睇过对4344 mark2，真系俾人玩到七彩，然后还原返再放出黎。之前买对4411已经领教过，所以呢一次会很小心。
闲聊中得知卖家系日本睇左好耐先搵到，安排运费花左成万寄到香港，每只重超过100kg，未计钉箱保护既重量添，寄到香港放入仓几年做珍藏，疫情后先放出黎，而佢亦系锡机之人，所有一律保持原装状态，完全保留JBL既韵味

---

作者: nwnqht    时间: 2024-11-26 13:10

PC>Burson Audio Conductor 3XP>Focal Shape 40

放枱面听下广东歌 kpop jpop都足够，dac简简单单可以连埋earphone，反正收工夜晚都系听耳机多，放假先用喇叭

---

作者: bbgirl223    时间: 2024-11-26 20:58


原来大把同好者都系玩CAS
师兄部DAC用ESS9038Q2M应该系最新既，咁你PC用咩software黎播歌？系咪PC可以38bit/786khz去DAC？有无up上去DSD512黎听歌？
Kpop我都有好多CD，唔知VIXX算唔算

---

作者: derek412    时间: 2024-11-26 21:03

回覆 84# bbgirl223


咩类型既嘅歌都有
nq净系用紧dac部份
大部份flac 小部份hires
没玩Dolby 没驳hdmi

gt1hd 攞位容易
系 4.x m2 环境 出到离箱感
听得舒舒服服

不过依家主力玩开headphone
v281/bha100+t1 2nd/awas/hd800s/hedd2